Stjórn Almannaheilla, samtaka þriðja geirans, boðar til aðalfundar samtakanna. Aðalfundurinn verður haldinn fimmtudaginn 3. júní nk. kl. 15:30 að Urriðaholtsstræti 14, Garðabæ.  

Fundarstjóri verður Bryndís Snæbjörnsdóttir.

Í lögum samtakanna segir:

4. gr
Aðalfundur Almannaheilla fer með æðsta vald og ákvörðunarrétt í málefnum samtakanna. Skal hann að jafnaði haldinn fyrir 15. júní ár hvert. Senda skal út fundarboð til aðildarfélaga með minnst fjögurra vikna fyrirvara. Í aðalfundarboði skal kynna dagskrá, fundartíma og fundarstað. Aðalfundurinn telst lögmætur ef löglega er til hans boðað.

5. gr.
Aðildarsamtökin eiga rétt á einum fulltrúa á aðalfundinn hvert. Aðildarsamtök sem greiða félagsgjöld samkvæmt efri þrepum í félagsgjaldaskrá Almannaheilla skulu eiga rétt á viðbótarfulltrúum, einum fyrir hvert þrep.

Á dagskrá aðalfundar er eftirfarandi atriði:

• Kosning fundarstjóra og fundarritara
• Ávörp gesta
• Skýrsla stjórnar um nýliðið starfsár og starfið framundan
• Skýrsla um fjárhag samtakanna
• Umræður um skýrslur og afgreiðsla ársreiknings
• Kosning stjórnar og skoðunarmanna 

• Ákvörðun um gjaldskyldu aðildarfélaga
• Lagabreytingar
• Önnur mál