Stærsti viðburður ársins hjá Almannaheillum fer fram í Hörpu á fimmtudag, ráðstefnan Fundur fólksins. Dagskrá er í Kaldalóni kl.14-18 og kynningarbásar almannaheillafélaga eru opnir allan tímann á Norðurbryggju, sýningarrými fyrir framan ráðstefnusalinn.
Forseti Íslands, Halla Tómasdóttir, og ráðherra félagsmála, Inga Sæland, eru sérstakir gestir í ár.
Ráðstefnan er vegleg í ár og þar býðst einstakt tækifæri fyrir fulltrúa aðildarfélaganna – ykkur – að hitta þar í eigin persónu annað lykilfólk sem hefur eldmóð fyrir uppbyggingu samfélagsins. Þannig náum við saman að efla tengslanetið – fá aðgang að reynslu annarra og deila eigin þekkingu – þannig að hvert og eitt aðildarfélag verði öflugra eftir daginn.
Almannaheill voru stofnuð til að vinna að sameiginlegum hagsmunamálum fyrir almannaheillasamtök og sjálfseignarstofnanir sem starfa í almannaþágu. Það eru sameiginlegir hagsmunir allra aðildarfélaga að vel sé mætt á ráðstefnuna og þar þurfum við saman að leggjast á eitt. Þetta er uppskeruhátíð okkar allra.
Við hvetjum ykkur því til að mæta á svæðið og senda áminningu á félagsfólk, stjórnarmeðlimi, starfsfólk eða velunnara og vini sem hafa áhuga á því að efla kraft og tengsl innan þriðja geirans.
Á síðasta ári höfðu skyndilegar alþingiskosningar óhjákvæmileg áhrif á Fund fólksins sem féll á daginn fyrir kjördag en í ár snúum við aftur tvíefld.
Almannaheill beina því ennfremur til aðildarfélaga að deila upplýsingum um viðburðinn með sínu félagsfólki, bæði á samfélagsmiðlum sínum og á póstlista.
Hér er hlekkur á viðburð á Facebook sem má gjarnan deila sem víðast:
https://www.facebook.com/events/1282426360320803
Þar sem sætaframboð er takmarkað í salnum þá biðjum við fólk sem ætlar að mæta á fimmtudaginn um að skrá sig:
Hér er hægt að skrá sig á Fund fólksins – Ráðstefnu Almannaheilla
Ráðstefnudagskrá:
Kl. 14:00-14:45
Ávörp
- Inga Sæland félags- og húsnæðismálaráðherra
- Hildur Tryggvadóttir Flóvenz, formaður Almannaheilla
Leiðir til að fjármagna almannaheillafélög
- Bergljót Borg framkvæmdastjóri Gló stuðningsfélags
- Willum Þór Þórsson forseti ÍSÍ
- Umræður – spurningar úr sal
Kl. 15:00-15:45
Almannaheillafélög, atvinnulífið og árangursríkt samstarf
- Ásta S. Fjeldsted forstjóri Festi
- Tómas Torfason framkvæmdastjóri KFUM og KFUK
- Hulda Hjálmarsdóttir og Kristín Þórsdóttir um perluverkefni Krafts
- Umræður – spurningar úr sal
Kl. 16:00-16:45
Stjórnir og stemning. Hvernig virkjum við fólk til starfa?
- Alma Ýr Ingólfsdóttir formaður ÖBÍ
- Hrefna Hlín Sveinbjörnsdóttir viðburðastjóri ÍBR
- Grímur Atlason framkvæmdastjóri Geðhjálpar
- Ragnhildur Katla Jónsdóttir upplýsingastjóri Landverndar
- Umræður – spurningar úr sal
Kl.17-17:30
Almannaheillafélög – Ómissandi fyrir samfélagið
Forseti Íslands, Halla Tómasdóttir, á samtal við formann Almannaheilla um þýðingu almannaheillafélaga fyrir samfélagið.
Kl. 17:30-18
Samhristingur – Ráðstefnugestir fagna góðum degi með spjalli og gleði á ráðstefnusvæðinu
Við vonumst til að sjá sem flesta á fimmtudag!
