Greinar

Aðalfundur Almannaheilla verður haldinn 19. maí, kl. 14:00 til 16:30 á fyrstu hæð í húsnæði ráðgjjafaþjónustu Krabbameinsfélagsins í húsi Krabbameinsfélagsins að Skógarhlíð 8, 105 Reykjavík.

Framkvæmdastjórn Evrópusambands Ólympíunefnda sæmdi um síðustu helgi Stefán Konráðsson fyrrverandi framkvæmdastjóra Íþrótta- og Ólympíusambands Íslands sérstakri heiðursviðurkenningu, Laurel - lárviðarsveig EOC.

Almannaheillasamtök eru eðlilegir bandamenn hins opinbera.  Íslensk almannaheillasamtök hafa ekki látið sitt eftir liggja í glímunni við afleiðingar efnahagskreppu þjóðarinnar. Þau hafa létt undir með einstaklingum og hópum sem orðið hafa fyrir barðinu á fylgifiskum kreppunnar með ýmsum hætti, t.d. vinnu sjálfboðaliða og fjárhagslegum stuðningi, sem oftast er fenginn beint frá almenningi. Þau hafa einnig skapað ný úrræði, hlaupið undir bagga með opinberum aðilum og jafnvel tekið að sér verkefni og mikilvæga þjónustu sem ríki og sveitarfélög sjá sér ekki lengur fært að sinna.