Verkefnastjórn stjórnvalda um heimsmarkmið Sameinuðu þjóðanna og Almannaheill – samtök þriðja geirans hafa gert með sér samkomulag um kynningarstarf til handa félagasamtökum um Heimsmarkmið Sameinuðu þjóðanna næstu 12 mánuði.

Tilgangur verkefnisins er að hvetja félagasamtök á íslandi til að samþætta heimsmarkmiðin inn í daglega starfsemi sína.

Í samkomulaginu felst að verkefnastjórnin og Almannaheill standa saman að fræðslufundum, Almannaheill miðli upplýsingum á vef sínum og kanni vitund félaga í árlegri könnun sinni. Haldnir verða fræðslufundir um heimsmarkmiðin og boðið verður upp á vinnustofur um innleiðingu heimsmarkmiðanna í stefnu og vinnu félagasamtaka.

Almannaheill kynnir heimsmarkmiðin gagnvart félagasamtökum á vefmiðlum sínum.

Sagðar verða fréttir af félagasamtökum sem styðjast við heimsmarkmiðin og félagasamtök verða hvött til að miðla upplýsingum í upplýsingagátt á vefsíðu markmiðanna, heimsmarkmidin.is.

Þá mun Almannaheill kanna meðal aðildarfélaga vitund um heimsmarkmiðin og notkun þeirra.